Azərbaycan Respublikası Prezidenti cənab İlham Əliyevin Azərbaycan kinosunun 120 illik yubileyinin keçirilməsi haqqında sərəncamına uyğun olaraq 16.02.2018-ci il tarixində “İdrak” liseyində “120 yaşlı Azərbaycan kinosu” adlı tədbir keçirildi. Tədbirə dəvət olunmuş Əməkdar incəsənət xadimi, Prezident təqaüdçüsü, kinotarixçi, pedaqoq Aydın Kazımzadə kinomuzun yaranma tarixindən, ənənələrindən, sevilərək izlənilən kino incilərindən danışdı. Şagird və müəllimlərin suallarını cavablandırdı. Şagirdlər tərəfindən ifa olunan müxtəlif filmlərdən musiqi nömrələri də maraqla qarşılandı.