16 sentyabr 2019-ci il tarixində liseyimizdə Bilik gününə həsr olunmuş “Gəlin İdrakla Addımlayaq” adlı tədbir keçirildi. Tədbirdə aprel doyüşlərinin iştirakçıları Araz Məlikov, Səməndər Manafov, Röyal Əşrəfov, karate üzrə dünya və avropa çempionu Taleh Babayev, incəsənət nümayəndələri – Rahidə Baxışova və Murad Arif, valideynlər və liseyin məzunları iştirak etdilər.
     “İdrak” liseyinin təsisçisi, pedaqoji elmlər doktoru, professor Mönsüm Alışov çıxış edərək qonaqları salamladı, müəllimləri, valideynləri və şagirdləri yeni dərs ilinin başlanması münasibətilə təbrik etdi. Tədbirə dəvət olunmuş qonaqların çıxışlarından sonra “İdrak” liseyi şagirdlərinin, incəsənət nümayəndələrinin iştirakı ilə müxtəlif mahnı və rəqslərdən ibarət maraqlı konsert proqramı təqdim olundu.
     Təhsil Nazirinin müvafiq əmrinə əsasən, ilk dərs məşğələsi ibtidai siniflərdə “İdman və Sağlamlıq”, V-IX siniflərdə “Mütaliə - mənəvi zənginliyə aparan yol”, X-XI siniflərdə isə “Azərbaycan inkişaf yollarında” mövzularına həsr olundu. Dəvət olunmuş qonaqlarımız həmin dərslərdə iştirak etdilər.