“İdrak” liseyində şagirdlərin sağlamlığına, fiziki inkişafına böyük diqqət yetirilir. Bu işdə bədən tərbiyəsi və idmanın rolu əvəzsizdir. Liseydə şagirdlərin müxtəlif idman növlərilə məşğul olmalarına hər bir şərait yaradılmışdır. Şagirdlərin maraq göstərdikləri idman növlərindən biri də karatedir. Karate məşğələləri Babayev Taleh Əkbər oğlu tərəfindən keçirilir.
Taleh Babayev karate-do üzrə 3-cü dan qara kəmər ustasıdır (2002). SKİF versiyasına görə Avrasiya (1999, Azərbaycan.), üçqat Dünya kuboku (2000, İran; 2001, 2003 Ukrayna), WSKF versiyası üzrə ikiqat Avropa (2004, Ukrayna; 2005, Türkiyə) və dünya (2007, Yaponiya) çempionu olmuşdur.
  2012-ci ildə idman sahəsindəki nailiyyətlərinə, ölkəmizi beynəlxalq yarışlarda layiqincə təmsil etdiyinə görə Azərbaycan Respublikasının Prezidenti cənab İlham Əliyev tərəfindən mükafatlandırılmışdır.