Asudə vaxtımız
01.06.15 10:59
31.05.2015 tarixində "İdrak" liseyinin şagirdləri, müəllim kollektivi və valideynlər Azərbaycanın ən gözəl güşələrindən biri olan Quba şəhərinə ekskursiyaya getmişdir. Əyləncə ilə öyrənmə, istirahətlə bilik artırma proseslərini özündə birləşdirən bu ekskursiya zamanı şagirdlər həm bölgənin tarixi və ekologiyası haqqında qısa məlumat topladılar həm də uşaqlar arasında maraqlı viktorinalar keçirildi. Eyni zamanda şagirdlər Quba Soyqırımı Memorial Kompleksində oldular, ermənilərin Azərbaycan xalqına qarşı törətdikləri soyqırımın əyani şahidi olurlar.22.05.15 19:14
22 May 2015-ci il tarixində "İdrak" liseyin 3-cü sinif şagird və müəlim heyəti ilə birgə Qobustan dövlət qoruğuna ekskursiyaya getdilər. Ekskursiya həm müəllimlər, həm də şagirdlər üçün olduqca maraqlı keçdi. Şagirdlər öncə Qobustan dövlət qoruğundakı muzeyi gəzərək Qobustan qayalarının tarixçəsi haqqında məlumat əldə etdilər. Muzey çox gözəl dizayn edilmişdi. Muzeyin hər bir bölməsi bir ayrı gözəl idi. Bir sözlə keçmiş və müasir dövr bir məkanda cəmlənmişdi. Hər bir bölmədə divarlara Qobustan qayaları haqqında məlumat verən xüsusi monitorlar quraşdırılmış, döşəmələrə və divarlara qədim insanların məşğuliyyətini və həyat tərzini eks etdirən işıq şüalarından ibarət təsvirlər salınmışdı. Şagirdlərimiz məlumat monitorlarından istifadə edərək Qobustan qayalarının tarixi haqqında məlumat əldə edir, oyun monitorlarından istifadə edərək qədim təsvirlərlə müasir təsvirləri eyniləşdirir və muzeydəki eksponatlarla yaxından tanış olurdular. Muzeylə tanışlıqdan sonra şagirdlər Qobustan qayalarını gəzdilər və qədim insanların qayalar üzərindəki əl izləri ilə daha yaxından tanış oldular. Ekskursiya boyunca hər kəs özünə maraqlı olan çoxlu şəkillər çəkdirdi.
06.06.14 11:56
06 İyun 2014 cü il tarixdə Sumqayıt Dram teatrının aktyorları liseyimizin qonağı oldu. Onlar şagirlərimizə asudə vaxtlarında çox gözəl tamaşa nümayiş etdirdilər. Sonda şagirdlərimizlə birgə yallı rəqs etdilər. Görüşdən olan şəkilləri izləyin...
25.05.14 10:01
24 May 2014-cü il tarixində "İdrak" liseyin şagird və müəllim heyəti Şəki rayonuna gəzintiyə getdilər. Azərbaycanın gözəl və qədim diyarı olan Şəki şəhərində nahar yeməyindən sonra Karvansaray, Şəki xan sarayı və məbədlərə ekskursiya etdilər. Daha sonra tarixi Nohur gölündə oldular. 
