25.01.14 17:56

Bu gün "İdrak" liseyində Informatika və riyaziyyat aylığına görə 24 yanvar 2014-cü il tarixində III-IV siniflər arasında növbəti "BRAİN RİNG" bilik yarışması keçirildi.Yarışda 6 komanda iştirak etdi. Komandalar cüt-cüt yarışdılar. Hər qarşılaşmada informatika fənnindən 10 sual təqdim olundu. Aylıq üzrə ən çox xal toplayan komanda Qaliblər - 45xal komandası oldu. 2 aylığa görə 75 xal toplayaraq öndə gedən komanda isə yenə  Qaliblər  komandası oldu.  Qaliblər komandasının üzvlərini təbrik edirik. Ardınca isə  V-XI siniflər arasında növbəti "BRAİN RİNG" bilik yarışması keçirildi. Yarışda 6 komanda iştirak etdi. Komandalar cüt-cüt yarışdılar. Müvafiq olaraq hər fənndən 15 sual təqdim olundu. Aylıq üzrə ən çox  - 105 xal toplayan  komanda Xəmsə komandası oldu. 3 aylığa görə 215 xal toplayaraq öndə gedən komanda isə Sabirlər komandası oldu. 

17.01.14 15:30

Tarixən Azərbaycan xalqı başı bəlalı olub, dizi qatlanıb, çox büdrəyib,  amma yıxılmayıb. Öz dözümünü, vüqarını saxlayıb. Öz azadlığı, suverenliyi uğrunda hər dəfə səsini çıxarmaq istəyəndə səsi boğulub bu xalqın. 1990-cı il yanvarın  19-dan 20-ə keçən gecə Azərbaycan xalqı növbəti faciəyə düçar oldu. Bu dərd dünyanın harasında olursa olsun özünə azərbaycanlıyam deyən hər kəsin dərdidir. 
        “İdrak” liseyinin kollektivi  də bu faciənin 24-cü il dönümünü geniş şəkildə yad etdi. Tədbir Azərbaycan Respublikasının Dövlət Himni ilə açıldı və şəhidlərimizin ruhu bir dəqiqəlik sükutla yad edildi. Faciə gecəsi lentə alınmış kadrlardan ibarət video çarx nümayiş etdirildi. “Cahargah” muğamının sədası altında bir çox şeirlər, bayatılar kompozisiya şəklində tədbir boyu səsləndi. Liseyin xor kollektivinin ifasında “Qalx Azərbaycan" musiqisi ifa olundu. Səhnəyə rəmzi qoyulan abidənin önünə V sinif şagirdləri tər qərənfillər düzdülər. Tədbirdən sonra liseyin bir qrup müəllim və şagird heyəti Şəhidlər Xiyabanını ziyarət etdilər.

09.01.14 16:07

 “İdrak” liseyinə 2014/2015-ci tədris ili üçün

məktəbə hazırlıq və I-XI siniflərə şagird qəbulu elan olunur.
Qəbul üçün lazım olan sənədlər
1. Uşaqların I sinfə qəbulu barədə valideynin ərizəsi; 
2. Doğum haqqında şəhadətnamənin notariat qaydasında təsdiq olunmuş surəti;
3. Uşağın sağlamlığı haqqında tibbi arayış (forma 26U);
4. 2 (iki) ədəd 2x4 ölçüdə fotoşəkil;

Ərizədə uşağın təhsil alacağı tədris dili qeyd edilməlidir.
Ünvan: Azərbaycan, Sumqayıt, S.Vurğun küçəsi
Tel.: (+994 18) 655-59-73,(+994 18) 655-84-71
Email: [email protected]

28.12.13 11:07

27 Dekabr 2013-cü ildə "İdrak" məktəb-liseyində Dünya azərbaycanlılarının Həmrəylik Günü və Yeni il bayramı geniş şəkildə qeyd olundu. Şənlikdə məktəb rəhbərliyi bayramlar münasibəti ilə qonaqları və lisey heyətini təbrik etdi. Şaxta baba və Qar qızın gəlişi ilə tədbir daha da rəngarəng oldu.   O da öz ürək sözlərini dedi. Şəhərimizin gənc istedadları öz bayram ruhlu mahnıları ilə tədbirimizi daha da şənləndirdi.

                                         Tədbirdən olan şəkilləri izləyin...
                                                             Tədbirdən olan videonu izləyin...   

23.12.13 09:08