01.05.13 15:52
30 Aprel 2013-cü il tarixdə Xəzər Universitetinin nəzdində fəaliyyət göstərən Dünya məktəbində konfrans keçirilmişdir.
Konfransda 3 mövzu:
1)Qlobal istiləşmə
2)Elektromaqnit dalğaları
3)Elektrik cərəyanı insan orqanizminə təsiri
üzrə IX sinif şagirdlərinin elmi araşdırmaları dinlənilmişdir.
Bu konfransda bizim liseyin IX sinif şagirdlərindən İsmayılova Amalya, Hüseyinov Aqşin və Oktayzadə Mədinə öz araşdırmalarını təqdim etmişlər. Bu şagirdlərin hər 3-ü seçdikləri mövzuda apardığı ən yaxşı tədqiqat işinə görə diplomları ilə təltif olundular.
30.04.13 08:59
Hörmətli valideynlər, "İdrak" məktəb-liseyinə şagird qəbulu artıq başlamışdır. İmtahan günlərini öyrənmək üçün məktəb-liseyimizə müraciət etməyiniz xahiş olunur.Ünvan: Azərbaycan, Sumqayıt, S.Vurğun küçəsi
Tel.: (+994 18) 655-59-73,(+994 18) 655-84-71
Email: [email protected]
26.04.13 12:45
26 Aprel 2013-cü il tarixində saat 14:00 da "İdrak" məktəb-liseyində “Kimya-Biologiya aylığı”na həsr olunmuş "Brain ring" məktəbdaxili bilik yarışmasının final mərhələsi keçirildi. Yarışda 3 komanda – Vant-Hoff, Lamark və Darvin komandaları iştirak edirdi. Bu mərhələdə də münsiflər heyəti Amaliya və Mətanət müəllimə idi. Tamaşaçı qismində müəllimlər və müxtəlif sinif şagirdləri iştirak edirdi. "Idrak" məktəb-liseyinin direktoru Xanım müəllimə də tamaşaçılar sırasında əyləşmişdi.
Yarışma üç mövzunu əhatə edirdi : Kimya, Biologiya və dünyagörüşü. Seçim mərhələsinin qaydalarında bir qədər dəyişikliklər edilmişdi. Keçən dəfəki kimi yarış 3 turdan ibarət oldu, lakin kimya fənni 15 sualdan ibarət idi. 1-ci tur Kimya, 2-ci tur Biologiya, 3-cü tur isə dünyagörüşü suallarını əhatə edirdi. Hər sual münsiflər heyəti tərəfindən 10 xalla qiymətləndirildi.
23.04.13 19:39
23 Aprel 2013-cü il saat 16:00 da "İdrak" məktəb-liseyində məktəbdaxili "Brain-ring" yarışması keçirildi. Yarışma "Kimya- biologiya aylığı" na həsr olunmuşdur və suallar da şagirdlərə bu fənlər üzrə salınmışdır. Seçim mərhələsində təqdim olunmuş mövzulara görə 3 komanda Darvin, Lamark və Vant-Hoff komandaları qalib olub finala vəsiqə qazandılar. Məğlub komanda isə Arrenius oldu. Aprelin 26-sı seçim mərhələsində qalib olan 3 komanda 1-ci yer uğrunda finalda yarışacaqlar. Tweet
23.04.13 12:55
23 Aprel 2013-cü il tarixində "İdrak" məktəb-liseyində Yeni Azərbaycan Partiyasının Sumqayıt təşkilatının Ümummilli Lider Heydər Əliyevin 90 illik yubileyinə həsr olunmuş iclası keçirildi. İclasda Yeni Azərbaycan Partiyasının Sumqayıt təşkilatının şura üzvü Kazımov Fərman iştirak etdi. İclasda məktəb-liseyin psixoloqu Hüseynova Mətanət, metodist Səfərəliyev Səfəralı, ibtidai sinif müəlliməsi Nağıyeva Aysel Ümummilli Lider Heydər Əliyev haqqında maarifləndirici fikirlər səsləndirdilər:- Heydər Əliyev öz iti zəkası, dünyagörüşü sayəsində həyatımızın bütün sahələrində yeniliklər yaradan dahi şəxsiyyətlərdəndir. Heydər Əliyev başladığı işi sona çatdırmağı bacaran gözəl siyasətçidir. Heydər Əliyevin pedaqoqika məktəbi, siyasət məktəbi, rəhbərlik məktəbi, az itki verməklə(bəlkə heç verməməklə) böyük problemləri sülh yolu ilə həll etmək məktəbi gələcəkdə daha yaxşı öyrəniləcək, gələcəkdə bu dahi şəxsiyyətin fəaliyyətindən çoxlu kitablar, dissertasiyalar yazılacaq. Zaman keçdikcə Heydər Əliyev böyüklüyü daha aydın görünür. Heydər Əliyevin bağladığı neft müqaviləsi müasir dövrün ən böyük inqilabı idi. Bu müqavilə Azərbaycanı dünyaya tanıtdı. İndi Azərbaycan öz süni peyki olan qüdrətli bir dövlətdir. Biz bununla fəxr edirik.
Ulu Öndərimizin ruhu şad olsun!
