Ümumi xəbərlər
01.03.13 17:24
1 mart 2013-cü il tarixdə fizika və riyaziyyat aylığının yekununa həsr edilmiş tədbir keçirilmişdir. Ay ərzində liseydə "açıq qapı aylığı" elan edilmişdi. Liseyin V - XI siniflərin ən fəal şagirdləri fizika və riyaziyyat fənlərindən aldıqları bilikləri tətbiq etmək istiqamətində xeyli iş görmüşdülər. Belə ki, onlar ay ərzində fizika və riyaziyyat alimlərinin həyat və yaradıcılığı ilə tanış olmuş ,onlar haqqında maraqlı məlumatlar toplamışlar. Şagirdlər tərəfindən maraqlı krassvordlar , rebuslar tərtib edilmişdir.Bütün bunlar divar qazetlərində öz əksini tapmışdır. Ay ərzində liseyin radio qovşağı da fəaliyyət göstərmişdir.Burada da şagirdlər müxtəlif və maraqlı məlumatlarla çıxış etmişlər. Fizika və riyaziyyat aylığının yekunu olaraq bədii gecə keçirilmişdir. Gecədə şagirdlər riyazi bilikləri ilə bağlı yaradıcılıq nümünələri nümayiş etdirdilər. Onlar fizika və riyaziyyatın həyatın müxtəlif sahələrində tətbiqi ilə bağlı slaydlar hazırlamışdılar. IX sinif şagirdləri Amalya və Mədinə ədəd və rəqəmlərin insan taleləri ilə əlaqələndirilməsi təşəbbüsləri barədə məlumatları slaydlar vasitəsi ilə təqdim etdilər. Bəzi görkəmli şəxsiyyətlərin həyatında ədədlərin rolu haqqında məlumatlar da tədbirdə marağa səbəb oldu. Üzeyr Hacıbəyov və Mosart haqqındaki məlumatlar da diqqətə layiq idi. Tədbirdə liseyin metodisti Səfərəliyev Səfərili müəllim də riyaziyyatla bağlı verdiyi məlumatlar şagirdlər tərəfindən xüsusi maraqla dinlənilmişdir.Tədbirin sonunda isə liseyin direktoru Alışova Xanım müəlliməyə söz verilmişdir. Xanım müəllimə şagirdləri fizika və riyaziyyat aylığında fəallığa ğörə diplomları ilə təltif etdi. Tweet
26.02.13 16:44
Xocalı faciəsinin 21-ci ildönümü "İdrak" məktəb-liseyində geniş şəkildə qeyd edildi. Səhər idmanında uşaqlar hadisə haqqında bildiklərini söylədilər və məktəb-liseyin ibtidai sinif müəlliməsi Aysel şagirdlərə güniş məlumat verdi. Sonra 5-11 ci siniflərə məktəb-liseyin akt zalında Xoca filmi nümayiş olundu. 1 və 2-ci sinif şagirdlərinə öz sinif otaqlarında debatlar keçirildi. Kitabxanada təşkil olunmuş tədbirdə kitabxanaçı Sevinc xanım Xocalı faciəsi haqqında geniş məlumat verdi. 3 və 4-cü sinif şagirdləri liseyin rəsm dərnəyinin üzvlərinin çəkdikləri şəkillərə tamaşa etdilər. Gənc rəssamlar öz şəkilləri haqqında güniş açıqlama verdilər. Sonda "Sarı gəlin" musiqinin sədası altında uşaqlar öz fikirlərini çəkdikləri rəsmlərlə ifadə etdilər. Şagirdlərə Dəyirman qrupunun ifasında Xocalıya aid klip nümayiş etdirildi. Sonda məktəb-liseyin təşkilatçısı Şahmuradova Vəfanın ifasında "Buz Heykəl" əsəri səsləndirildi. 15.02.13 15:26
“İdrak” məktəb-liseyində IX-X siniflər arasında 1 fevraldan 15 fevrala qədər “Tennis” yarışması keçirildi. Final görüşü fevralın 15-də liseyin idman zalında keçirildi. Yarışmada I yeri IX sinif şagirdi Hüseynov Aqşin, II yeri X sinif şagirdi Məmmədov Nail, III yeri X sinif şagirdi Soltanov Cavidan, IV yeri isə IX sinif şagirdi İsmayılova Amalya tutmuşdur. I, II, III yerin qalibləri lisey rəhbərliyi tərəfindən Fəxri Fərman və hədiyyələrlə, IV yerin sahibi isə Fəxri Fərmanla təltif edildi.
Yarışdan olan şəkilləri izləyin....
Tweet
23.01.13 09:58
"Idrak" məktəb-liseyində 13.02.2013-cü il tarixində məktəbimizin Tarix müəllimləri Şivəxanova Mehriban və Məmmədov Vüsalın təşkil etdiyi "Azərbaycan tarixi" fənni üzrə bilik yarışı keçirildi. Yarışda məktəbimizin 10a və 8a sinif şagirdləri iştirak edirdilər. Yarışın mövzusu 8-ci sinif Azərbaycan tarixi dərsliyini əhatə edirdi. Yarış 10a sinif şagirdlərinin qələbəsi ilə başa çatmışdır. Yarışın keçirilməsində məqsəd şagirdlərin bilik və bacarıqlarının möhkəmləndirilməsidir.Tweet
18.01.13 15:49
Tarixən Azərbaycan xalqı başı bəlalı olub, dizi qatlanıb, çox büdrəyib, amma yıxılmayıb. Öz dözümünü, vüqarını saxlayıb. Öz azadlığı, suverenliyi uğrunda hər dəfə səsini çıxarmaq istəyəndə səsi boğulub bu xalqın. 1990-cı il yanvarın 19-dan 20-ə keçən gecə Azərbaycan xalqı növbəti faciəyə düçar oldu. Bu dərd dünyanın harasında olursa olsun özünə azərbaycanlıyam deyən hər kəsin dərdidir. “İdrak” məktəb-liseyinin kollektivi də bu faciənin 23-cü il dönümünü geniş şəkildə yad etdi. Tədbir Azərbaycan Respublikasının Dövlət Himni ilə açıldı və şəhidlərimizin ruhu bir dəqiqəlik sükutla yad edildi. Faciə gecəsi lentə alınmış kadrlardan ibarət video çarx nümayiş etdirildi. Şagirdlərin ifasında faciə gecəsini əks etdirən “Anacan, işığı kim söndürüb?” adlı səhnəcik nümayiş etdirildi. “Cahargah” muğamının sədası altında bir çox şeirlər, baytılar kompozisiya şəklində tədbir boyu səsləndi. Liseyin xor kollektivinin ifasında “Qalx Azərbaycan" musiqisi ifa olundu. Səhnəyə rəmzi qoyulan abidənin önünə II sinif şagirdləri tər qərənfillər düzdülər. Tədbirdən sonra liseyin bir qrup müəllim və şagird heyəti Şəhidlər Xiyabanını ziyarət etdilər.
Tweet
